Mir blécken also engersäits op eng laang a spannend Geschicht zeréck, anersäits hu mer d'Zeechen vun der Zäit erkannt a kucken no vir. Eng vun den neien Iddien ass ons Säit um Internet: Mir sinn op fir Kontakter weltwäit a wëllen jiddereen, deen Loscht huet, op deem Wee un onsen Aktivitéiten deelhuele loossen.

Well mer schon säit laangen Joeren Mount vir Mount ons "Wandrous" erausginn, gëtt et déi och anengems online. Si ass wuel dat bescht Spigelbild vum Grupp a gëtt nach dobäi regelméisseg aktualiséiert. Momentan zielen d' Lions Bleus eng ganz Rëtsch Memberen, déi am Home am Uelzechtdall hiert Onwiesen dreiwen. Doniewent probéiere mir nach sou gutt wei méiglech ons jonk Scouten ze fuerderen an hinnen de Scoutsgeescht ze vermëttelen.

Niewent onsen Versammlungen déi ëmmer Samschdes an onsem Home oflafen maache mir och nach flott Camp'en an Aktivitéiten wei z. B. Veloscamp, Sortien, Visiten Summercamp, Wantercamp, Hiken, Biwakéiren, an ... !

Wëlls du méi vun ons wëssen oder häss du eng Kéier Loscht bei ons laanscht ze kommen, dann zeck net laang. Mir sinn all Samschdes vun 14.00-16.00 an onsem Home (Les Lions Bleus 61, rue Pulvermühl L-2356 Lëtzebuerg)

Fir weider Info'en kanns du och dem Lex Schmitt (Chef de Groupe) ënnert dem Telefon: 661 36 51 88 uruffen!

Toutes les activités...